شو بدي احكيلكن عن الام …

كل سنة عن سنة بتعلم و بحس قديش الاهل هني فيتامين حياتنا و وجودهم فرحة و بركة و أمان و سلام…
بس الام بالذات هيي نعمة هيي عشق و أول حب…
هيي الفرج و حيط المبكى… هي الدعوة و النعمة…
ما بعرف كيف في أمهات بيقدروا يناموا من دون ولادهم…
كيف في أمهات بيقدروا يتخلوا عن ولادهم او يكبوهم بدار أيتام.. صعب صدق من بعد ما عم شوف لأنه الام هيي الحضن هيي أكتر حدا بحس بولده من بعد ما أكل من لحما و حست بكل نبض فيه… ما بعرف كيف في نساء أخذوا لقب إم و هني ما بيستحقوه، وكيف نساء ما خلفت بس ربت وبتستحق اللقب أكتر من الام..
ما بعرف كيف ربنا مصبر ام الشهيد، قديش الام اللي فقدت ولد فقدت أعز ما عندا صبورة…
و كيف ال single mom قادرة تربي ولد لحالا قديش هيي سوبر مام…
ما بعرف كيف ممكن الرجل يئذي ام و هوي عارف انه من دون رضا امه بتيابه عل نار… و كيف ممكن يئذي ام بولادها و بيعرف شو يعني ام…
كيف رجل الدين (المفتري فقط) ممكن يحكم لام مكمشة بولادها انه يحرما منهم، أو يسمحلا تشوف ولدها يوم و يومين بالجمعة….
من اول ما خلقت لهلق كل ما فكر بحياتي، اول نعمة بعدّا هيي امي… و بدعي ربي ياخد من عمري و يعطيها… بخاف افقدها
و عيش بلاها، ببطّل لحياتي معنى …بتصير حياتي بلا حياة…
والله اذا أهلكن عايشين و امهاتكم عطوهم من وقتكن..
اليوم هون يمكن بكرا لاء… الله لا يحرمكم من أهلكم..

كل عيد أم و إنتِ بخير