كبة البطاطا طبق لذيذ وسريع

بالنسبة لمقدار تقدري تتحكمي فيه ع عدد أسرتك..
من خمسة الى ست حبات بطاطا تسلقيهم بس مش لدرجة ينهروا بالقشر ثم تصفيهم وتخليهم يجفوا تمامااااا وهذه خطوة مهمة جدا وضرورية عشان البطاطا ما تتميعش معاك وما اتعبكش تقشريهم وتهرسيهم
تحطي عليهم كوب بقسماط (خبزة مرحية )وملح وفلفل أسود وانا زدت عليهم ملعقة صغيرة من البهارات وبودرة ثوم ملعقة صغيرة وشوية نشأ وبعدها تحطي عليها بيضة مخفوقة وتعجني كويس كويس حتى تختلط التتبيلة ببعضها كويس ????
تجهزي المفروم الحشوة بطريقتك اللي تحبيها وبعدين تاخذي العجينه في كف يدك وتحطي فوسطها الحشوة وتسكري وتبدي تكوري بين ايديك نين يجيك شكل الكبة وتستفيها في سفرة وتحطيها فالفريز ربع ساعه وبعدين تقليها
صحتين وعافية ❤️❤️❤️