تارتولات بالفواكه

🌹موقع مجلة كواليس اعداد زهراء 🌹

المقادير
250غ زبدة طرية
بيضة
4 ملاعق سكر رطب
ملعقة صغيرة خميرة الحلوي
نحط الزبدة والبيضة والسكر ونخلطو ملييييح حتى نتحصلو على كريمة نزيدولها فرينة وخميرة الحلوى ونلموها نخليوها ترتاح نص ساعة ونشكلوها في ليمول ونثقبوهم ونذخلوهم يطيبو حتى ياخدو لون ذهبي نحيوهم ونخلوهم يبردو
الحشو:
في طاوة نحط 2 كيسان حليب مع 2 ملاعق نشاء و3 ملاعق سكر وبيضة ونخلط كلش بارد في بارد ونحطوهم فوق نار دليلة ونبقاو نخلطو حتى تثقال نحيوها ونزيدولها ملعقة زبدة ونحطوها في الثلاجة حتى تبرد مباعد نخرجوها ونضربوها بالباتور باه تولي ملساء ونتحصلو على كريمة باتيسيار نحشيو لي تارتولات تاعنا بيها ونزينوهم ملفوق بالفواكه كيما في الصورة وندهنوهم ملفوق بالجيلاتين باه نتحصلو على لمعة واللي ماعندهاش جيلاتين دير عسل وخلاص