بقلم الكاتب نضال عيسى
ثلاثين يوم وغزة عمتبكي
قصف، ودمار،، وشلال دم عميحكي
صعبة بالتأكيد مشاهد الأطفال
أشلاء وأم عمتبرم على أطفالها تحت الدمار
بس الجريمة الأكبر على غزة
كانت من الأعراب للبسوا
التخاذل والخذلان والخيانة
والخوف من قول كلمة حق
بوجه عدو مجرم محتل وغدار
ما شافوا مشاهد القتل
والإجرام مات بداخلن
الأحساس متل ما مات ضميرن من زمان
كل همن سيطرة سلطة على
ارض غزة وتسويات عربية على
حساب المقاومين الأبطال
يا خجل التاريخ من مواقفكم
ياعرب و ما تشفوا حالكن كبار
لأنكم بنظر الإنسانية أنتو أصغر
من حذاء طفل في غزة وجد تحت الدمار