(اللي استحوا ماتوا)

بقلم خليل شعيب

يا الله عجّل بالقيامة
وعمأذنة القدس كبَّر إمامي
الجماعة اللي استحوا عنجد ماتوا
ونَقي بالنفْس صفّى (كرامي)
وكلب مسعور ينحلف بحياتو
وعم استخسر ع شاربهن صرامي
القدس والأقصى وذكرياتوا
تبّرو مِنّكم وحسّوا بندامي
لعنكم الله كبيركم وصغيركم
لأن كبيركم خادم قُمامي
ما بقصد حدا مقدّر صفاتوا
وما عم تاجر بدمي…وكلامي
لكل(كبير) تارك واجباتوا
لحتّى يشيِخ وهوي حرامي
وزعيم مفتّل شنابوا وصفاتوا
على كتافوا عباية وانعدامي
وكل مَ ازعر بتْخلص حياتو
نضل نعزّي بفقدان أزعَر
ولأحبابي بِغزّة بهدي سلامي.