هااااااام جداًَ.. فليسمعها كل سوري اليوم، وكأنه يقرأ في ما يجري اليوم قبل 11 عاماً..

للنشر …. هام

مضر ابراهيم

وصية سماحة الشيخ أحمد سلمان الهجري، شيخ عقل طائفة الموحدين في السويداء (رحمه الله) لشباب #السويداء، وشباب الوطن.

النص الحرفي لكلام لسماحة الشيخ (رحمه الله) 2012

الله يوفقكن جميع.. آني بتمناللكن كل خير وكل توفيق.. وإنتو شبابنا وإنتو حياتنا المستقبلية (يطوللنا بعمرك يا شيخ).. بتسمعو كلمتي.. ونحنا طبعاً بالنسبة للدكتور بشار، الرئيس (يطوللنا بعمره).. ما في تنين بالجبل أو عنا مختلفين عليه.. لذلك نحنا بدنا نكون واعيين كتير.. في دعايات كتير بدها تصير.. في شغلات كتير عم تصير.. بيجوز يزجو حدا من شبابنا متل ما صار بالماضي.. لذلك بدي ياكن تكونو واعيين ومش بأي شكل من الأشكال قوام إنتو عدم المؤاخذة تصدقو الناس وغايات الناس هني ضد هالنظام وهني ضد بشار.. لذلك بتمنى عليكن تكونوا واعيين للأمور وأي شي – يعني مبدناش نكون هووش عدم المؤاخذة.. واحد يزتلنا شغلة نروح نبلش ببعضنا أو نبلش من جهة تانية منشان لمنن يعملولنا مطبات.. الطريق طويل وبيجوز بهالفترة الزمنية هادي اللي عم تحصل.. يعني نحنا مش متفاجئين لأنو إسرائيل وأيادي إسرائيل وأميركا طويلة كتير ان كان من خلال المادة ولا من خلال الإعلام.. لذلك انتو بدكن تكونو حريصين كتير وما بتتوجهو ولا بتعملو شي إلا من خلال ناس حقيقيين وصادقين عدم المؤاخذة وصورة خص منشان الرئيس.. يعني نحنا متل ما قلتو رئيسنا وحبيبنا و موئلنا .. وهالأمر هادا ما حدا بيختلف عليه .. لذلك في أيادي كتيرة عم تنمد من برا حتى يعملو فصل خاصة نحنا بهالمحافظة عدم المؤاخذة.. نحنا بهالمحافظة لما إجا وزارنا وقال “الصخرة الأقوى”.. الاخرين اللي الهن شأن على هالناس اعتبروها انو شو ليش “الصخرة الأقوى” .. الصخرة الأقوى بالمؤسسات.. بشبابنا.. بالطفل اللي عدم المؤاخذة بعده صغير بيعرف إنو في عنا ضمير ووجدان .. هي نحنا.. نحنا بحياتنا ما كنا سياسيين بس كنا مع الحق والحفاظ على وطنا وأرضنا وعلى الناس الأمينة ع وطنا وعلى أمورنا.. لذلك نحنا توجيهاتنا انو ما بدنا ياكن تستعجلو بشي ولا يستعملوكن أداة لمنو ينفذو من خلالكن عدم المؤاخذة شغلات لا تحمد عقباها .. ديروا بالكن ودايما تيقنو .. أي شيء يستوجب السؤال اسألو عنو وما تزتو حالكن فيه لأنو بيجوز عن طريق أي شكل من الأشكال انو يورطوكن وشوي تصير الناس تلاحق بعضا وتحكي على بعضا.. او بيجوز يجو يعملو فتنة يوم من الأيام يضربو حدا او يحتجزو حدا او يقولو فلان عم يحكي عليكن أو كذل لمنّو يورطوكن ويعلقوكن ببعض