⏳قصتي معك⏳

✍بقلم الشاعرة سينتيا سماحة  

أبتدت قصتي معك
بمكان  صغير،
هالة حبّ جمعتنا
ومعرفنا انخبّيا.
أيام وشهور
بعّدتني عنّك،
كأنّي بصحرا….
حواليّي جبال من رمل
مخبّايي قصتي فيا.
أنا وحدي  ناطرة
رجعتك،
وإجريّي غرقاني
بذهب بيلمع من شدّة حرّها،،،
وإمشي صوبك
تأشرب شفّة من ريقك.
اصبري قلتها؛وأنا بعدني
صابرة،
والأيام  والساعات تاخدنا!!
وبعّدتنا الهالة.. وربطت
روحنا فيها
حاميتها من الحزن
وغدر الزمان
حتى ماحداا يغدر فيها.
حبيبي:
أبتدت قصتي معك
وبعدا بإيدَك
بلكي المكان الصغير
بيجمعنا للأبد
وما يخلّي شي يخبّيا.!!!
متعطّشي لصوتك
متل صوت البرّية بيردّلي الصدّى
وعيونك  بتلمع
متل حجار ناطرة النَّدى،
تركت شفافك
مشققي من قوّة الهوا…
تانجتمع من جديد
بيتك لعبيّنا فيه الهوى.
صمتك وصمتي
بالنّهايي
بيكشفوا عن المرايي
بنظرة شوق…وما رح تقشع حدا.
ما في أحلى
من حبّ صامت وبعيد،،
بوّجع؛ بس إلو  دوا…
دوانا هالة تجمعنا من جديد
وجسمنا واحد يشّعل نارا…
ما بتحرق من شدّتا
بتحرق من قوّتا
ما بفرقا إنسان
إلّا لغزنا لعايش … جوّاتنا !!…