أسئلتنا… أحياناً بتكسر الخاطر …

 

إعداد: أمنة رزوق

منشوف
شخص مارق بفترة عصيبة واكتئاب، منسأله: ليش شو صاير عليك لحتى تكتئب؟

مراهق ببداية مراهقته منسأله، ليش طالعلك حبوب بوجهك؟

صبية، بعدها عازبة ، منسألها: ليش لهلق ما تزوجتي؟

امرأة عندها تلات أو أربع بنات وشاكرة ربها ع هالنعمة،منسألها: ليش ما بتحبلي وبتجيبي صبي ؟

شاب مغترب، عم يشتغل ليل نهار لحتى يعيل نفسه ويبعت مصاري لأهله ، منسأله: ليش لهلق ما عندك بيت؟

امرأة قاربت الأربعين، بس نشوفها منسألها: ليش هالقد طالعلك تجاعيد بوجهك؟

خطيبين عم يعانوا من سوء الأوضاع الاقتصادية، منسألهن: ليش لهلق ما حددتوا العرس؟

قبل ما نستغرب ليش الناس بتعطينا إجابات كاذبة ، خلينا نتفق أنه سؤالنا من الأساس ما كان بمطرحه…
وأنه أحيانا أسئلتنا اللي منسألها ونحنا حاطّين( رِجْل فوق رِجْل )وعم نشرب قهوة، بحجّة (خلينا نفتح حديث) ، ممكن تفيّق جرح نايم وتحرّك وجع كبير بالقلب وتكسر الخاطر…

لهيك…
تذكّر ،إنك ولا مرة بتعرف شو مخبّىيلك القدر ولا تكسر خاطر احد الكل مكروب والكل مكسور وموجوع بس مابيظهر وجعوا

(خليا بالقلب تجرح ولا تتطلع لبرا تفضح)

ودي لكم