شحار وتعتير…”

شحار وتعتير ….
تنفيعات … تنفيعات
خطة … خطة
للأموات ..
الكل بيعرف ومطنِّش …
وبمال الدول منعنش …
واللبناني …
عاش … ومات ْ …
ومن فترة طلّع قرار …
الكومبارس لحد الوزير
قهر وذل وزمن شحار …
بيذكّرنا بهالتعتير …
وكرامة الله يا جار …
خبّر لكبير ولزغير …
ما عاد ينفع الا “حمَار ”
يوصلّني [ وانا المدير ] …
وبلا مشاكل ونقار ْ …
صرنا ( نشتهي الحمير ) ..
وطابور الذل القهّار …
شغّال وكلو تزفير …
بالذل وغلا الاسعار
شعبي انغش بلا تفكير …
وآخر صرعة احتكار …
البنزين ودوا التهكير
[حجاج ] برتبة زوّار ْ
بشيلوا الزير من البير
بوجوهن غدر المكّار
دينن دولار الأمير
بطلب من ربي الجبّار
يحضرلن نار السعير ْ
ويمكن يجينا شي نهار
نعيش بأمان واحرار …
وبرجع علّم للشطّار …
وساعتها اول مدير 🧑‍🎓
بلبي قرار الوزير …

علي النهري
الثلاثاء 24 آب 2021