دجاج محشي فريكه

مقادير
دجاجه حجم وسط
كأسه فريكه مغسوله
بهار
ملح
فلفل
هيل مطحون
قرفه
بابريكا
بهار دجاج
فنجان زيت زيتون
ملعقه سمنه
بصله مفرومه ناعم
نصف كأسه لوز مقلي
كأسه ونصف ماء
طريقة تحضير دجاج محشي فريكه
١. نغسل الدجاجه ونتبلها بالتوابل المذكوره مع اضافه زيت الزيتون ومنتركها منقوعه تقريبا نص ساعه.

٢. بطنجره على النار نضع ملعقه السمنه والبصل المفروم ومنشوحها على النار لحتى تذبل.

٣. بضيف الفريكه فوق البصل وبحركهم مع بعض.

٤. بضيف الماء والبهار والملح والفلفل وبتركهم لحتى تنشف المي ويستوو.

٥. بسكب الفريكه بصينيه وبحط عليها اللوز المقلي وبتركها لحتى تبرد.

٦. بحشي الدجاجه بالفريكه، نضع الدجاجه المحشيه بالكيس الحراري الخاص للشوي وبحطها بالصينيه وبحط بالصينيه ماء وعلى الفرن على درجه حراره ٢٠٠ تقريبا ساعه ونص مع المراقبه من حين الى اخر اذا بنقص ماء منزيد ماء مغلي ومنقلبها على الجهتين لحتى تاخد اللون المحمر.